لبنانی پارلیمنٹ کے اسپیکر نبیہ بری نے گذشتہ اتوار کوغرب اردن کے شمالی شہر سلفیت میں فدائی حملہ کرکے تین صہیونیوں کو جھنم واصل کرنے والے 19 سالہ نوجوان عمر ابو لیلیٰ کی جرات اور بہادری کو شاندار خراج عقیدت پیش کیا ہے۔
مرکز اطلاعات فلسطین کے مطابق لبنانی پارلیمنٹ کے اسپیکر نے ایوان کے اجلاس کے دوران شہید ابو لیلیٰ کی بہادری کو فلسطینی قوم کی جرات اور بہادری کی زندہ علامت قرار دیا۔
انہوں نے کہا کہ انیس سالہ فلسطینی نوجوان نے تین غاصبوں کو ہلاک کرنے کے بعد بہادری کے ساتھ لڑتے ہوئے ایک ہیرو کی طرح اپنی جان کی قربانی ی ہے۔ اس نے دشمن کے سامنے ذلت آمیز انداز میں گرفتاری دینے کے بجائے مزاحمت کو ترجیح دی جس نے پوری فلسطینی قوم اور مسلم امہ کے سر فخر سے بلند کر دیے ہیں۔
خیال رہے کہ عمر ابو لیلیٰ کو اسرائیلی فوجیوں نے دو روز کے تعاقب کے بعد منگل کے روز رام اللہ میں ایک آپریشن میں شہید کر دیا تھا۔
لبنانی اسپیکر نے فلسطینی قوم، القدس، الاقصیٰ، غزہ، نابلس، الخلیل، بیت لحم اور دوسرے فلسطینی شہروں کے حوالے منظوم خراج تحسین پیش کیا۔
