کویت نے شام کے مقبوضہ وادی گولان پر اسرائیلی ریاست کے تسلط اور علاقے پر صہیونی حاکمیت عرب علاقوں پر اسرائیل کے غیرقانونی قبضے کی سازش کو آگے بڑھانا ہے۔
مرکزاطلاعات فلسطین کے مطابق اقوام متحدہ میں کویت کے مندوب منصور العتیبی نے وادی گولان سے متعلق سلامتی کونسل کے اجلاس سے خطاب میں کہا کہ مقبوضہ عرب علاقوں پر اسرائیل کی کسی بھی قسم کی تسلط جمانے کی کوشش کو مسترد کرتے ہیں۔ وادی گولان پر اپنی ناجائز حاکمیت قائم کرکے اسرائیل نے فلسطینی علاقوں پرناجائز تسلط کی راہ ہموار کرنے کی کوشش کی ہے۔
کویتی سفیر نے کہا کہ اسرائیل وادی گولان پر قبضہ کرکے بین الاقوامی قوانین کی کھلی خلاف ورزی کا مرتکب ہو رہا ہے۔ شام کےوادی اردن پر اسرائیل کو خود مختاری کا حق دینا بین الاقوامی قوانین، اقوام متحدہ کی قراردادوں اور عالمی اخلاقیات کے منافی ہے۔
العتینی کا کہنا تھا کہ اسرائیل گذشتہ پانچ دھائیوں سے وادی گولان پراپنا غیرقانونی تسلط مضبوط بنانے کے لیے کوشاں رہا ہے مگر یہ پہلا موقع ہے کہ امریکا نے اسرائیل کے اس غیرقانونی تسلط کو جواز فراہم کرنے کےلیے وادی گولان پر اسرائیلی خود مختاری تسلیم کی ہے۔
انہوں نے کہا کہ امریکا کی طرف سے وادی گولان پر اسرائیلی خود مختار تسلیم کرنے سے حقائق تبدیل نہیں ہوسکتے۔ پوری دنیا مقبوضہ وادی گولان پر اسرائیلی تسلط کے خلاف ہے۔
خیال رہے کہ حال ہی میں امریکی صدر ڈونلڈ ٹرمپ نے شام کے مقبوضہ علاقے وادی گولان پر اسرائیلی حاکمیت تسلیم کرتے ہوئے صہیونی ریاست کی خود مختاری کی حمایت کی تھی۔ اس علاقے پر اسرائیل نے سنہ 1967ء کی عرب ۔ اسرائیل جنگ میں قبضہ کیا تھا۔
