امریکی صدر ڈونلڈ ٹرمپ نے کہا ہے کہ اسرائیل میں کنیسٹ کے انتخابات کے دوران حکمران جماعت لیکوڈ اور وزیر اعظم بنجمن نیتن یاھو کی کامیابی مشرق وسطیٰ میں امن مساعی کے حوالے مثبت اور اچھی خبر ہے۔
خبر رساں اداروں کے مطابق وائیٹ ہائوس میں صحافیوں سے گفتگو کرتے ہوئے ان کا کہنا تھا کہ امریکی انتظامیہ اسرائیل میں بننے والی نئی حکومت اور فلسطین۔ اسرائیل امن اقدامات کےحوالے سے تعاون جاری رکھے گی۔
خیال رہے کہ منگل کے روز اسرائیلی کنیسٹ کے انتخابات میں نیتن یاھو اور ان کی جماعت کو اکثریت کے ساتھ کامیابی حاصل ہوئی ہے۔
