فلسطین میں انسانی حقوق مرکز نے صدر محمود عباس کے ماتحت سیکیورٹی اداروں کے حملے میں ایک فلسطینی شہری کے ماورائے عدالت قتل کے واقعے کی تحقیقات کا مطالبہ کیا ہے۔
مرکز اطلاعات فلسطین کے مطابق فلسطین میں انسانی حقوق مرکز کی طرف سے جاری ایک بیان میں فلسطینی شہری کے عباس ملیشیا کے ہاتھوں مجرمانہ قتل کے واقعے کی شدید مذمت کی گئی ہے۔
خیال رہے کہ عباس ملیشیا کے اہلکاروں نے غرب اردن کےشمالی شہر قلقیلیہ میں ایک کارروائی کے دوران 35 سالہ محمد راتب بری کو دو روز قبل گولیاں ماری تھیں جس کےنتیجے میں وہ شدید زخمی ہو گیا تھا۔ اسے شدید زخمی حالت میں اسپتال منتقل گیا جہاں وہ زخموں کی تاب نہ لاتے ہوئے دم توڑ گیا تھا۔
ادھر غرب اردن میں فلسطینی اتھارٹی کی پولیس نے کہا ہےکہ مقتول نے پولیس اہلکاروں سے اسلحہ چھیننے کی کوشش کی تھی تاہم اس واقعے کی سامنے آنے والی فوٹیج میںعباس ملیشیا کا دعویٰ غلط ثابت ہوگیا ہے۔
