اسرائیل کے عبرانی ذرائع ابلاغ نے انکشاف کیا ہےکہ اسرائیلی وزیراعظم بنجمن نیتن یاھو کرپشن کے حوالے سے مقدمات کا سامنا کرنے سے بچنے کے لیے حکومت میں شامل ہونے والوں پر قانون سازی کے لیے دبائو ڈالیں گے۔
عبرانی ٹی وی چینل ’24’ کے مطابق لیکوڈ پارٹی دیگر سیاسی جماعتوں کے ساتھ حکومت میں شمولیت کے لیے مذاکرات کے دوران ان سے یہ یقین دہانی کرانے کی کوشش کر رہی ہے نئی حکومت میں شامل ہونے والی جماعتیں ‘ارکان پارلیمنٹ’ کے تحفظ کے لیے قانون منظور کریں تاکہ نیتن یاھو کو کرپشن کے مقدمات سے بچا جا سکے۔
خیال رہے کہ اسرائیل میں ارکان پارلیمنٹ کے تحفظ کے حوالے سے قانون سنہ 2005ء تک رائج رہا ہے۔ اس قانون کے تحت کسی منتخب رکن پارلیمنٹ کو اس وقت تک مقدمہ کا سامنا نہیں کرنا پڑتا جب تک وہ پارلیمنٹ کا رکن ہو۔
اسرائیلی اپوزیشن کا کہنا ہے کہ نیتن یاھو خود کومقدمات سے بچانے کے لیے اتحادی جماعتوں کو قانون سازی کے لیے دبائو میں لانے کی کوشش کر رہے ہیں۔
