عراق کی وزارت خارجہ نےامریکا میںمتعین اپنے سفیر فرید یاسین کے اس بیان پرشدید تنقید کی ہے جس میں انہوںنے اسرائیل کے ساتھ سفارتی تعلقات کےقیام کامشورہ دیا ہے۔
مرکزاطلاعات فلسطین کے مطابق عراقی وزارت خارجہ کے ترجمان احمد الصحاف نے ایک بیان میں کہا کہ واشنگٹن میں متعین عراقی سفیر کا اسرائیل سے تعلقات کی حمایت میں بیان ان کی ذاتی رائے ہے۔ عراقی حکومت کا قضیہ فلسطین سے متعلق سرکاری اور اصولی موقف وہی ہے جو پہلے موجود تھا۔
خیال رہے امریکا میں متعین عراقی سفیر فرید یاسین نے ایک بیان میں اسرائیل سےتعلقات کےقیام کی حمایت پر زور دیا تھا۔ ان کا کہنا تھا کہ اسرائیل میں عراقی شہریوں کی بڑی تعداد موجود ہے۔ ہمیں تل ابیب کی ٹیکنالوجی اور زراعت سمیت دیگر شعبوں میں مہارت سے استفادہ کرنا چاہیے۔
ان کے اس بیان کے رد عمل میں عراقی وزارت خارجہ کے ترجمان نے کہا ان کے سفیر کا بیان نا مناسب ہے۔ترجمان کا کہنا تھا کہ عراق قضیہ فلسطین کو خصوصی اہمیت دیتا ہے۔ ان کا کہنا تھا کہ ذرائع ابلاغ اور دیگر اداروں کی طرف سے قضیہ فلسطین کے حوالےسےاصولی موقف کی ترویج ضروری ہے۔
