قابض اسرائیلی فوج نے فلسطین کے مقبوضہ بیت المقدس میں ایک انہدامی کارروائی کےدوران حزما کے مقام پر فلسطینی شہریوں کی طرف سے تعمیر کی گئی حفاظتی دیوار مسمار کردی۔
مرکزاطلاعات فلسطین کے مطابق عینی شاہدین نے بتایا کہ قاب فوج نے بھاری مشینری کی مدد سے جنوبی حزما میں طبلاس کالونی میں تعمیر کی گئی حفاظتی دیوار مسمار کرڈالی۔ صہیونی حکام کا کہنا ہےکہ یہ دیوار اسرائیلی بلدیہ کی اجازت کے بغیر تعمیر کی گئی تھی جب کہ فلسطینی شہریوں کا موقف ہے کہ یہ دیوار یہودی آباد کاروں کےحملوں سے بچائو کے لیے تعمیر کی گئی تھی۔ دیواردائود عدوان نامی شہری کی ملکیت تھی جو 700 مربع میٹر پر تعمیر کی گئی تھی۔
