اسرائیلی حکام کی طرف سے فلسطینی بچوں کی لوٹ مار کا سلسلہ جاری ہے۔ ایک رپورٹ کے مطابق گذشتہ جون کےدوران قابض حکام نے فلسطینی بچوں سے جرمانوں کی آڑمیں 26ہزار شیکل کی رقم بٹور لی۔
مرکزاطلاعات فلسطین کے مطابق فلسطینی محکمہ امور اسیران نے بتایا کہ جون کے دوران ‘عوفر’ جیل میں قید 23 فلسطینی بچوں کو بھاری جرمانوںکی سزائیں سنائی گئیں۔ صہیونی حکام کی طرف سے فلسطینی بچوں کو دوران حراست تشدد کا نشانہ بنانے اور ان کی لوٹ مار کا سلسلہ جاری رہا۔
عوفر فوجی فوجی عدالت سےایک ماہ کے دوران 26 ہزار شیکل کی رقم وصول کی۔
فلسطینی اسیران کا کہنا ہے کہ جون میں اسرائیلی حکام نے 15 فلسطینی بچوں کو حراست میں لے کر ‘عوفر’ جیل میں قید کیا۔ انہیں اوسطاً 15 ماہ قید کی سزائیں سنائی گئیں۔ عوفرجیل میں قید فلسطینی بچوںکی تعداد 116 تک جا پہنچی ہے۔
