فلسطین میں تعینات قطر کے سفیر اور غزہ کی پٹی میں قطرکی تعمیر نوکمیٹی کے چیئرمین محمد العمادی نے کہا ہے کہ دوحا فلسطینی قوم کی مالی مدد جاری رکھے گا۔ ان کا کہنا ہے کہ غزہ کی پٹی میں قطر کی جانب سے شروع کیے گئے تعمیراتی منصوبے مکمل کیے جائیں گے۔
مرکزاطلاعات فلسطین کے مطابق غزہ میں قطر کی معاونت سے قائم کردہ ڈائیلائیسز سینٹر کے افتتاح کے موقع پرایک تقریب سے خطاب میں انہوں نے کہا کہ قطرنے غزہ میں کئی اہم منصوبوں پرکام شروع کررکھا ہے۔ ان کا کہنا تھا کہ شمالی غزہ میں ڈائیلائسز سینٹر 550 مربع میٹر رقبے پرتعمیر کیا جا رہا ہے۔ منزلہ اسپتال کی تعمیر پر 17 لاکھ ڈالر کا تخمینہ لگایا گیا ہے۔
العمادی نے کہا کہ شمالی غزہ میں نئے ڈائیلائیسز سینٹرمیں مریضوں کے لیے 40 بستر لگائے جائیں گے۔ اس کے علاوہ اعلیٰ عالمی معیار کے ڈئیلائیسز سسٹم اور مشینیں لگائی جائیں گی۔
قبل ازیں قطری سفیر نے جمعہ کے روز غزہ کی پٹی میں ایک لاکھ غریب خاندانوں میں فی خاندان ایک سو ڈالر کی رقم تقسیم کی تھی۔
