اقوام متحدہ کا کہنا ہے کہ اس کے ماہرین اور تفتیش کاروں کی ایک ٹیم سعودی عرب کی تیل کی تنصیبات پر کیے گئے ڈرون اور میزائل حملوں کی تحقیقات کے لیے الریاض پہنچ گئی ہے۔
اقوام متحدہ کے ترجمان فرحان حق نے ایک بیان میں کہا کہ یمن سے متعلق ماہرین کی کمیٹی سعودی عرب پہنچ گئی ہے جو تیل کی تنصیبات پرحملے کی تحقیقات کا جلد آغاز کرے گی۔
ہفتے کے روز مشرقی سعودی عرب میں ارامکو تیل کی دو فیکٹریوں کو نشانہ بنانے کے بعد ریاض نے اقوام متحدہ کے ماہرین کی تحقیقات میں مدد کی درخواست کی تھی۔
امریکا اور فرانس سمیت متعدد ممالک نے بھی تحقیقات میں حصہ لینے کے لئے ماہرین کو روانہ کرنے کا اعلان کیا ہے۔
ایک بیان میں اقوام متحدہ کے سکریٹری جنرل انتونیو گوٹیرس نے ارامکو کے تیل کی تنصیبات پر حملوں کی مذمت کی۔
سیکریٹری جنرل نے تمام فریقوں پر زور دیا کہ وہ سخت کشیدگی کے ماحول میں "زیادہ سے زیادہ تحمل کا مظاہرہ کریں اورکشیدگی کی روک تھام کریں”۔
حوثیوں نے حملے کی ذمہ داری قبول کرتے ہوئے کہا ہے کہ انہوں نے ڈرونز کے ذریعے حملہ کیا لیکن امریکی وزیر خارجہ مائیک پومپیو نے ان حملوں کا ذمہ دار ایران کو ٹھہرایا ہے۔
