قابض صہیونی فوج نے جمعرات کی شام فلسطین کے مقبوضہ مغربی کنارے کے وسطی شہر رام اللہ کے شمالی علاقے کوبر سے تین فلسطینی شہریوں کو اغواء کرنے کے بعد نامعلوم مقام پر منتقل کردیا۔
مقامی فلسطینی ذرائع نے بتایا کہ قابض صہیونی فوج نے جمعرات کی شام کوبر کے مقام پر چھاپہ مارا اور گھروں میں گھس کر توڑپھوڑ کی۔ اس دوران قابض فوج نے تین سگے بھائیوں قسم، نسیم اور اصیل البرغوثی کو اغواء کرنےکے بعد نامعلوم مقام پر منتقل کردیا ہے۔
قابض فوج نے جمعرات کی صبح اسی علاقے سے ایک دوسرے فلسطینی شہری عباد وجدی البرغوثی کو حراست میں لے لیا تھا۔
