جمعہ کے روز اسرائیلی فوج نے فلسطین کے مقبوضہ مغربی کنارے کے شمالی شہر طولکرم میں جبارہ چوکی پر ایک فلسطینی نوجوان کو گولیاں مار کر شہید کردیا۔
فلسطین کی سرکاری نیوز ایجنسی ‘وفا’ کے مطابق اسرائیلی فوج نے جبارہ چوکی سے گذرنے والے ایک فلسطینی نوجوان کو گولیاں ماریں جس کے نتیجے میں وہ شدید زخمی ہوگیا۔ اسے سڑک پر بے یارو مدد گار پھینک دیا گیا اور امدادی کارکنوں اور طبی عملے کو اس کے قریب جانے کی اجازت نہیں دی گئی جس کے نتیجے میں وہ وہیں پردم توڑ گیا۔
عبرانی ذرائع ابلاغ نے دعویٰ کیا ہے کہ فلسطینی نوجوان کو اس وقت گولیاں ماری گئیں جب اس نے اسرائیلی فوجیوں پر چاقو سے حملہ کرنے کی کوشش کی۔
عبرانی ٹی وی 13 کی رپورٹ کے مطابق فوجیوں نے ایک فلسطینی مزاحمت کارکا چاقو سے حملہ ناکام بناتے ہوئے اسے گولیاں مار کر شہید کردیا۔
