قابض اسرائیلی فوج نے اسلامی جہاد کے ایک مرکزی رہ نما کو اردن جاتے ہوئے الکرامہ گذرگاہ سے حراست میں لے لیا۔
مرکزاطلاعات فلسطین کے مطابق اسلامی جہاد کے رہ نما 44 سالہ محمود السعدی اردن جا رہے تھے جہاں اسرائیلی فوج نے انہیں اردن اور فلسطین کے درمیان سرحدی گذرگاہ پر روکا اور انہیں حراست میں لے لیا۔
السعدی کو حراست میں لینے کےبعد کئی گھنٹے تک حبس بے جا میں رکھا اور اس کے بعد انہیں فوجی گاڑی میں ڈال کر نامعلوم مقام پر منتقل کردیا گیا۔
خیال رہے کہ اسرائیلی فوج آئے روز الکرامہ گذرگاہ سے آر پار جانےت والے فلسطینیوں کو حراست میں لیتی رہتی ہے۔
