ترکی کےکلچرل سینٹر برائے القدس اور القدس سماجی فورم کی طرف سے حال ہی میں فوت ہونے والے ترکی کے شاعر اور ادیب نوری باکدیل کی وفات پر گہرے دکھ اور افسوس کا اظہار کیا ہے۔
بیت المقدس میں ترک کلچرل سینٹر کے زیراہتمام ایک تعزیتی سیمینار کا انعقاد کیا گیا جس میں ترک شاعر نوری باکدیل کی فلسطینیوں کے لیے خدمات کو خراج عقیدت پیش کیا گیا۔
اس موقع پر گفتگو کرتے ہوئے فلسطینی زعماء اور مقررین نے نوری باکدیل کی شعرو ادب میں فلسطینیوں کے لیے خدمات کو شاندار خراج عقیدت پیش کیا گیا۔
اس موقع پر اظہار خیال کرتے ہوئے مسجد اقصیٰ کے خطیب الشیخ عکرمہ صبری نے کہا کہ القدس کے ساتھ ہماری محبت اس وقت تک نامکمل ہے جب تک ہم نوری باکدیل کی خدمات کو شاندار خراج تحسین پیش نہیں کرتے۔ انہوں نے اپنی پوری زندگی القدس اور فلسطینی قوم کے دفاع کے لیے صرف کررکھی تھی۔ وہ حقیقی معنوں میں شاعر القدس ہی نہیں بلکہ ایک قلمی مجاھد تھے جنہوں نے شعرو ادب کے ذریعے جہاد اور تحریک آزادی فلسطین میں حصہ لیا تھا۔
خیال رہے کہ حال ہی میں ترکی کے شاعر نوری باکدیل علالت کے بعد انتقال کرگئے تھے۔ نوری باکدیل کو فلسطینی قوم کے لیے خدمات کے بدلے میں ‘شاعر القدس’ کا نام دیا جاتا ہے۔
