اسرائیل کی جیلوں میں قید دو فلسطینی اسیران کی قید نئے سالوں میں داخل ہو گئی ہے۔ جنین کے الیامون اور صیر قصبوں سے تعلق رکھنے والے دونوں فلسطینیوں کو کئی سال قبل حراست میں لیا گیا تھا۔
مرکزاطلاعات فلسطین کے مطابق نور الدین زیاد سلیمان ابو الھیجا الیامون قصبے سے ہیں اور وہ اسیری کے 18 سال کے بعد قید کے 19 ویں سال میں داخل ہوگئے ہیں۔صیر کے رہائشی سعید درویش محمود عمران اسیری کے 16 ویں سال میں داخل ہوئے ہیں اور انہیں مجموعی طور پر 23 سال قید کی سزا کا سامنا ہے۔
