اسرائیل میں قیدیوں کے لیے برائےنام بنائے گئے اسپتال الرملہ میں اس وقت 12 فلسطینی بیمار داخل ہیں مگرانہیں وہاں پر جیل جیسے ماحول کا سامنا ہے اور کسی قسم کی طبی مدد فراہم نہیں کی جا رہی ہے۔
مرکزاطلاعات فلسطین کے مطابق الرملہ اسپتال میں بستر مرگ پرموجود 12 فلسطینیوں کی حالت انتہائی تشویشناک ہے اور صہیونی جیلروں اور اسپتال انتظامیہ کی مجرمانہ غفلت کے باعث فلسطینی اسیران لمحہ بہ لمحہ موت کی طرف بڑھ رہے ہیں۔
فلسطینی محکمہ امور اسیران کی طرف سے جاری کردہ ایک بیان میں کہا گیا ہے کہ اسیران کو صرف جیلوں سے اسپتال منتقل کیا گیا ہے تاکہ دنیا کی آنکھوں میں دھول جھونک کریہ تاثر دیا جائے کہ مریض اسیران کو ہرممکن علاج کی سہولت فراہم کی جار ہی ہے۔ مگر حقیقت اس کے برعکس ہے۔
امور اسیران کا کہنا ہے کہ بیار قیدیوں کو صرف درد کش دوائی دے کر ٹرخا دیا جاتا ہے۔ ان کی بیماریوں کا معائنہ نہیں کیا جاتا اور نہ ہی ان کا مناسب علاج کیا جاتا ہے۔
بیان میں بتایا گیا گیا ہے کہ الرملہ اسپتال میں قید فلسطینیوں میں خالد شاویش، منصور موقدہ، معتصم رداد، ناھض الاقرع، صالح صالح، رامی مصطفیٰ، جمال زید، محمد صباغ ، سامر العربید، کتیبہ الشاویش، احمد سعادہ، احمدزھران، چار دیگراسیران ایاد رضوان، سامر ابو دیاک، علیان عمور اور احمد ابو خضیر ہیں۔
