فلسطینی وزارت تعلیم کی طرف سے جاری کردہ بیان میں بتایا گیا ہے کہ گذشتہ برس اسرائیلی فوج کی ریاستی دہشت گردی میں اسکول کے دو طلباء شہید اور 161 کو حراست میں لیا گیا۔
مرکز اطلاعات فلسطین کے مطابق تعلیم کے عالمی دن کی مناسبت سے جاری ایک بیان میں وزارت تعلیم کا کہنا ہے کہ اسرائیلی ریاست کی طرف سے مقبوضہ بیت المقدس، مغربی کنارے، الخلیل، سیکٹر ‘سی’ اور غزہ کی پٹی میں فلسطینی طلباء کے تعلیمی حقوق کی سنگین پامالیاں جاری ہیں۔
بیان میں کہا گیا ہے کہ سال دو ہزار انیس کے دوران اسرائیلی فوج کی ریاستی دہشت گردی کے نتیجے میں دو طلباء شہید اور 161 گرفتار کیے گئے۔ قابض فوج نے 17 اساتذہ اور تعلیمی اداروں کے ملازمین کو حراست میں لیا گیا۔ اسرائیلی فوج کی پرتشدد کارروائیوں میں 175 طلباء اور 120 اساتذہ زخمی ہوئے۔ 101 طلباء اور 40 اساتذہ کو ان کے گھروں میں نذر بند کیا گیا جب کہ قابض فوج نے 4 ہزار 576 طلباء اور 859 اساتذہ کے تعلیمی اور تدریسی امور میں رکاوٹیں ڈالیں۔
