قابض اسرائیلی فوج نے فلسطین کے علاقے غزہ کی پٹی سے سرحد کی دوسری طرف قائم یہودی کالونیوں پر ھاون میزائل حملے ناکام بنانے کا دعویٰ کیا ہے۔
مرکزاطلاعات فلسطین کے مطابق بدھ کے روز اسرائیلی فوج نے دعویٰ کیا کہ غزہ سے جنوبی اسرائیل میں دو راکٹ حملے کیے گئےتاہم ان راکٹوں کو فضاء ہی میں تباہ کردیا گیا ہے۔
اسرائیلی فوج کے ترجمان کا کہنا ہےکہ غزہ سے راکٹ حملوں کے بعد یہودی کالونیوں میں خطرے کے سائرن بجائے گئے۔
ترجمان کا کہنا تھا کہ غزہ سے راکٹ حملوں کو آئرن ڈوم کی مدد سے فضا ہی میں تباہ کردیا گیا۔
قبل ازیں بدھ کو اسرائیلی فوج نے غزہ میں متعدد مقامات پر بمباری کی تھی۔ خان یونس میں اسرائیلی فوج نے مزاحمتی مراکز کے ٹھکانوں پر بمباری کی۔
