فلسطین کے علاقے غزہ کی پٹی میں گذشتہ جمعرات کی شام النصیرات پناہ گزین کیمپ میں لگنے والی خوف ناک آگ کے نتیجے میں جھلس کر زخمی ہونے والا ایک اور فلسطینی دم توڑ گیا جس کے بعد اس سانحے میں شہید ہونے والے فلسطینیوں کی تعداد 14 ہوگئی ہے۔
مرکزاطلاعات فلسطین کے مطابق وزارت صحت نے بتایا کہ 25سالہ عبداللہ محمد الذریعی جمعرات کے روز النصیرات کیمپ میں آتش زدگی کے باعث جھلس کر زخمی ہوگیا تھا۔ وہ گذشتہ روز اسپتال میں دم توڑ گیا۔
خیال رہے کہ جمعرات کے روز غزہ میں النصیرات مہاجر کیمپ میں شارٹ سرکٹ کے باعث لگنے والی آگ کے نتیجے میں 14 فلسطینی شہید اور 50 سے زاید زخمی ہوگئے تھے۔ زخمی ہونے والے بعض کی حالت تشویشناک بیان کی جاتی ہے۔
