فلسطینی محکمہ امور اسیران کا کہنا ہے کہ ان کے پاس اسرائیلی جیلوں میں قید فلسطینیوں میں کرونا وائرس پھیلنے کی خبروں کا ٹھوس ثبوت نہیں ملا ہے۔
مرکزاطلاعات فلسطین کے مطابق فلسطینی محکمہ امور اسیران کے ترجمان ثائر شریتح نے بتایا کہ اسرائیلی جیلوں میں فی الحال کوئی فلسطینی کرونا کا شکار نہیں ہوا ہے۔
خیال رہے کہ گذشتہ روز اسرائیلی فوج کی طرف سے جاری کردہ ایک بیان میں کہا گیا تھا کہ ‘عسقلان’ جیل میں قید 19 فلسطینیوں کو کرونا کے شبے میں جیل کے اندر دوسرے قیدیوں سے الگ کیا گیا ہے۔
شریتح نے بتایا کہ وہ اسرائیلی جیلوں میں قید 5000 فلسطینیوں کے بارے میں بارے میں فکر مند ہیں۔ اگر اسرائیلی جیلوں میں کرونا وائرس پھیلتا ہے تو اس کے نتیجے میں فلسطینیوں کی زندگی خطرے میں پڑ سکتی ہے۔
خیال رہے کہ اسرائیلی جیلوں میں چھ ہزار سے زاید فلسطینی پابند سلاسل ہیں جن میں بڑی تعداد میں بچے، خواتین اور پہلے ہی مختلف بیماریوں کے شکار فلسطینی شامل ہیں۔
