یہودی آباد کاروں نے فلسطینی شہری کا انگور کا باغ تباہ کرڈالا

فلسطین میں یہودی آباد کاروں نے ‘غوش عتصیون’ یہودی کالونی کے آباد کاروں نے غرب اردن کے جنوبی شہرالخلیل میں بیت امر کے مقام پر فلسطینیوں کے ایک انگور کے باغ پر سیورج کا پانی کھول دیا جس کے نتیجے میں انگور کا باغ تباہ ہوگیا۔

عینی شاہدین نے بتایا کہ ‘غوش عتصیون’ کے آباد کاروں نے شمالی الخلیل میں وادی شخیت کےمقام پر انگوروں کے ایک باغ پر ہفتے میں دوسری بار پانی کھول دیا جس کے نتیجے میں باغ میں موجود انگور کے پھل دار پودے تباہ ہوگئے۔

فلسطینی شہریوں نے بتایا کہ یہودی آباد کاروں کی طرف سے پانی چھوڑنے کے نتیجے میں فلسطینی کسانوں کو غیرمعمولی نقصان پہنچا ہے۔ یہودی آباد کاروں کے انتقامی حربے میں 20 دونم رقبے پرپھیلے باغات تباہ ہوگئے۔