آج بدھ کو مقبوضہ بیت المقدس میں اسرائیلی فوج نے ایک فلسطینی نوجوان کو گولیاں مار کر شہید کردیا۔
مرکزاطلاعات فلسطین کے مطابق فلسطینی نوجوان پر اسرائیلی فوج کی طرف سے الزام عاید کیا گیا کہ اس نے القدس شہر میں ایک اسرائیلی فوجی افسر کو چاقو سے حملہ کرنے کے ساتھ اپنی گاڑی تلے کچلنے کی کوشش کی تھی۔
عبرانی ویب سائیٹ’ 0404′ کیے مطابق مشرقی بیت المقدس میں ‘معالیہ ادومیم’ یہودی کالونی میں ایک فلسطینی شہری نے ایک اسرائیلی فوجی پرپر چاقو سے حملہ کیا اور ساتھ ہی اسے گاڑی تلے روندنے کی کوشش کی تھی۔
عبرانی اخبار’ہارٹز’ کے مطابق فلسطینی حملہ آور کو جوابی کارروائی میں گولیاں مار کر شہید کردیا گیا ہے۔
عبرانی ویب سائٹ کے مطابق ایک کار سوار فلسطینی نے سڑک پرکھڑے اسرائیلی فوجی پر چاقو سے حملہ کیا۔ اس کے بعد اسےگاڑی تلے کچلنے کی کوشش کی۔ کچھ فاصلے پرکھڑے دوسرے فوجیوں نے فلسطینی نوجوان پراندھا دھند فائرنگ کی جس کے نتیجے میں وہ شہید ہوگیا۔
اسرائیلی فوج کا کہنا ہے کہ فلسطینی نوجوان کے قبضے سے ایک پائپ بم برآمد یا گیا ہے۔ واقعے کے بعد علاقے کو سیل کردیا گیا ہے۔ فلسطینی حکام کی طرف سے اس واقعے کی تصدیق نہیں کی گئی اور نہ ہی شہید کی شناخت ظاہر کی گئی ہے۔
