فلسطینی حکومت کی طرف سے غزہ کی پٹی میں کرونا وائرس کے علاج کے لیے قائم کردہ فالوپ اپ کمیٹی کے چیئرمین نے کہا ہے کہ غزہ میں کرونا کےمریضوں کےعلاج اور بیماری کے کنٹرول کے لیے 17 ملین ڈالر کی فوری رقم درکار ہے۔
مرکزاطلاعات فلسطین کے مطابق غزہ میں کرونا فالو اپ کمیٹی کے چیئرمین محمد عوض نے بتایا کہ غزہ میں کرونا کے ممکنہ پھیلائو کے حوالے سے تمام وزارتوں اور محکموں کی طرف سے بھرپور تیاری کی گئی ہے۔ کرونا کی وجہ سے غزہ میں بدترین حالات سے نمٹنے کے لیے تیار ہیں۔ یہی وجہ ہے کہ غزہ میں کرونا کےمریضوں کے علاج کے لیے ایک بڑا اسپتال قائم کیاگیا ہے جس میں علاج کی سہولیات کی فراہمی کے لیے فوری طورپر 17 ملین ڈالر کی رقم درکار ہے۔
انہوں نے مزید کہا کہ غزہ میں کرونا کی وبا اتنی زیادہ خطرناک نہیں مگر انتظامیہ کی طرف سے اس کی بھرپور تیاری کی گئی ہے۔
عوض نے کہا کہ غزہ میں کرونا کی روک تھام کے لیے صحت کے بنیادی ڈھانچے کی کارکردگی کو مزید کئی گنا بڑھانے کی ضرورت ہے۔ انہوں نے ذرائع ابلاغ پر زور دیا کہ وہ غزہ کی پٹی میں صحت اور معیشت کے مسائل کو اجاگر کرنے کےلیے اپنا کردار ادا کریں۔
انہوں نے کہا کہ غزہ میں قائم قرنطینہ مراکز میں لاجسٹک اور دیگر ضروریات کے لیے ماہانہ 10 ملین ڈالر کی ضرورت ہے۔ انہوں نے فلسطینی شہریوں اور ذرائع ابلاغ پر زور دیا کہ وہ غزہ میں کرونا کے مریضوں کے علاج لیے مختص اسپتال کی ضرورت پوری کرنے میں حکومت کی مدد کریں۔
