فلسطینی وزارت خارجہ نے بتایا ہے کہ بیرون ملک مقیم 50 فلسطینی کروناوبا کے نتیجے میں جاں بحق ہوگئے جبکہ 1066 فلسطینی تارکین وطن کرونا کا شکار ہوئے ہیں۔
وزارت خارجہ کی طرف سے جاری ایک بیان میں کہا گیا ہے کہ امریکی ریاست نیو میکسیکو میں ایک فلسطینی شہری کرونا کا شکار ہونے کے بعد چل بسا۔ اس کے ساتھ امریکی ریاست شیکاو اور نیوجرسی میں مزید 14 فلسطینی کرونا کا شکار ہوئے ہیں۔
امریکا میں اب تک 640 فلسطینی کرونا کا شکار ہوئے ہیں۔ ان میں 33 وفات پا چکے ہیں اور 168 صحت یاب ہوئے ہیں۔
گذشتہ روز لبنان کے بعلبک شہر میں قائم الجلیل پناہ گزین کیمپ میں ایک ہی خاندان کے پانچ فلسطینیوں کے کرونا کا شکار ہونے کی تصدیق کی گئی تھی۔
تیونس، پاکستان، آسٹریا اور مقدونیا میں کسی فلسطینی کے کرونا کا شکار ہونے کی تصدیق نہیں کی گئی۔
