جرمنی کی حکومت نے اسرائیل مخالف لبنانی مزاحمتی تنظیم حزب اللہ کو دہشت گرد قرار دے کر بلیک لسٹ کردیا ہے۔
اس اعلان کے بعد جرمنی میں حزب اللہ سے تعلق رکھنے والے افراد کی گرفتاریوں کے لیے چھاپے مارے جا رہے ہیں۔ امریکا اور سعودی عرب نے جرمن حکومت کے اس اقدام کا خیرمقدم کیا ہے۔
جرمن وزارت داخلہ کے ترجمان اسٹیو الٹر نے ایک بیان میں کہا کہ وزیر داخلہ نے لبنانی حزب اللہ پر پابندی عائد کرنے کا فیصلہ کیا ہے۔
جرمن عہدیدار نے اس نے جرمنی کی سرزمین پر موجود حزب اللہ عناصر کے خلاف ممکنہ اقدامات کے بارے میں بھی کوئی تبصرہ کرنے سے انکار کردیا اور کہا فی الحال وہ اس حوالے سے کچھ نہیں کہہ سکتے کہ آیا جرمنی میں موجود حزب اللہ کے عناصر کے خلاف مہم شروع کی جائے گی یا نہیں۔
سیکیورٹی حکام کا خیال ہے کہ جرمنی میں حزب اللہ کے ارکانں کی تعداد 1050 تک پہنچ گئی ہے۔
کل جمعرات کو جرمن وزارت داخلہ نے اعلان کیا تھا کہ جرمنی نے اپنی سرزمین پر ایرانی حمایت یافتہ حزب اللہ ملیشیا پر باضابطہ پابندی عائد کردی ہے اور اسے دہشت گرد تنظیم قرار دیا گیا ہے۔
اس اعلان کے بعد جرمن پولیس نے ملک میں موجود حزب اللہ کے اہم ارکان کی گرفتاری کے لیے چھاپے مارے ہیں۔
جرمنی اس سے قبل حزب اللہ کے سیاسی بازو اور شام کی حکومت کی فوج کے ساتھ مل کر لڑنے والی یونٹ کو الگ الگ ڈیل کرتا تھا۔ یہ بات قابل ذکر ہے کہ جرمنی کی پارلیمنٹ میں گذشتہ دسمبر میں حزب اللہ پر پابندیوں کا قانون بھاری اکثریت سے منظور کیا تھا۔
جرمنی کے حکمران اتحاد میں شامل دو جماعتوں نے لبنانی ملیشیاؤں پر پابندی عاید کرنے کے مطالبے کے بعد کہا تھا کہ حزب اللہ ملیشیا کو یورپی یونین کی دہشت گرد تنظیموں کی فہرست میں شامل کیا جانا چاہیئے۔
