اسرائیلی ریاست کے وزارت صحت کا کہنا ہے کہ ملک میں کرونا کے مزید 14 کیس سامنے آئے ہیں جس کے بعد متاثرہ افراد کی تعداد 16 ہزار458 ہوگئی ہے۔ متاثرین میں 74 کی حالت خطرے میں ہے۔
وزارت صحت کا کہنا ہے کہ کرونا کی وبا کی وجہ سے گذشتہ چوبیس گھنٹوں کے دوران مزید تین افراد ہلاک ہوگئے جس کے بعد ہلاکتوں کی تعداد 248 ہوگئی ہے۔
رپورٹ کے مطابق اسرائیل میں کرونا کے 11 ہزار 384 مریض صحت یاب ہوئے ہیں۔ متاثرہ افراد میں 4826 اب بھی اسپتالوں میں زیرعلاج ہیں۔
وزارت صحت کا کہنا ہے کہ کرونا کے 74 مریضوں کی حالت خطرے میں ہے جن میں سے 70 کو وینٹی لیٹر پررکھا گیا ہے۔
