ترکی کی دو تنظیموں نے مقبوضہ بیت المقدس میں کرونا کے متاثرین کی مدد کے لیے مشترکہ امدادی مہم شروع کی ہے۔ اس مہم کا مقصد القدس کے فلسطینی شہریوں کی مالی مدد کرنا اور ان کی معاشی مشکلات میں ان کے ساتھ تعاون کرنا ہے۔
مرکزاطلاعات فلسطین ترکی کی امدادی تنظیم’دنیرفنری’ اور المشرق نے ‘القدس کے لیے زندگی’ کے عنوان سے امدادی مہم شروع کی ہے۔
مہم کے تحت القدس کے غریب اور مستحق گھرانوں کے لیے خوراک کے پیکٹ، عید کے کپڑے اور القدس کے یتیم بچوں اور بیوہ عورتوں کے لیے امدادی سامان مہیا جائے گا۔
ترکی کے امدادی ادارے کے چیئرمین کہا کہ مشترکہ امدادی مہم کا مقصد القدس کے فلسطینیوں کو خود مختار بنانے میں ان کی مدد کرنا اور ان کے عزم کو مضبوط بنانے میں ان کا ساتھ دینا ہے۔
ادھر القدس کی ایک امدادی تنظیم کے سربراہ اسعد ھرموش نے کہا کہ ترکی اور لبنان کی مشترکہ امدادی مہم اپنی نوعیت کی پہلی مہم نہیں بلکہ اس سے قبل بھی اس نوعیت کی کئی امدادی مہمات پایہ تکمیل کو پہنچ چکی ہیں۔
