اسرائیلی وزارت دفاع نے فضائیہ کے سابق سربراہ جنرل ریٹائرڈ امیر ایچل کو وزارت دفاع کا ڈائریکٹر جنرل تعینات کیا ہے۔
عبرانی ٹی وی چینل ۷ کی رپورٹ کے مطابق وزیر دفاع بینی گینٹز نے فضائیہ کے سابق چیف جنرل ایچل کو وزارت دفاع میں ڈائریکٹر جنرل تعینات کیا ہے۔ جنرل ایچل کو موجودہ ڈائریکٹر جنرل اوڈی ایڈم کی جگہ تعینات کیا جائے گا۔ جنرل ایڈم آئندہ چند دنوں کے اندر ریٹائرڈ ہونے والے ہیں۔
خیال رہے کہ عن قریب سبکدوش ہونے والے ڈائریکٹر جنرل اوڈی ایڈم کو مئی 2016 کو اس عہدے پر تعینات کیا تھا۔ اس نے تین وزرا دفاع آوی گیڈور لائبرمین، بنجمن نیتن یاھو اور نفتالی بینٹ کے ساتھ کام کیا۔
