فلسطینی وزارت خارجہ کے مطابق بیرون ملک گذشتہ روز مزید دو فلسطینی کرونا سے جاں بحق ہوگئے جس کے بعد بیرون ملک کرونا سے فوت ہونے والے فلسطینیوں کی تعداد 98 ہوگئی ہے۔
وزارت خارجہ کی رپورٹ کے مطابق گذشتہ چوبیس گھنٹوں میں کرونا کے مزید چھ مریض سامنے آئے جس کے بعد متاثرہ مریضوں کی تعداد 1611 ہوگئی ہے۔
گذشتہ روز کویت میں ایک فلسطینی 74 سالہ مرید احمد بسیسو جاں بحق ہوگیا۔ کویت میں اب تک تین فلسطینی کرونا کا شکار ہو کر فوت ہوچکےہیں۔ ایک اور فلسطینی 55 سالہ اسماعیل محمد اسماعیل دغمش سعودی عرب میں کرونا کے باعث دم توڑ گیا۔
امریکی ریاست نیو جرسی میں مزید 5 فلسطینی تارکین وطن کرونا کا شکار ہوئے ہیں جس کے بعد امریکا میں کرونا کے متاثرہ فلسطینیوں کی تعداد 777 اور اموات کی 52 ہوگئی ہے۔ امریکی ریاست میشن گن میں مزید 20 فلسطینی کرونا سے صحت یاب ہوئے ہیں جب کہ 297 مجموعی طور پرصحت یاب ہوئے ہیں۔
