نابلس کے جنوب میں عصیرہ القلبیہ گاؤٓں میں فلسطینی شہریوں نے گھروں پر حملہ کرنے والے اسرائیلی آبادکاروں کا حملہ ناکام بنا دیا۔
عینی شاہدین نے کہا کہ صہیونی آبادکار اسرائیلی فوجیوں کی مدد سے گاوں میں فلسطینی گھروں کے آس پاس پھیل گئے اور ان پر حملہ کرنے کی کوشش کی ، لیکن مقامی رہائشیوں نے ان کے ساتھ جھڑپ شروع کر دی۔
انہوں نے مزید کہا کہ فلسطینی رہائشیوں نے صہیونی آبادکاروں کو غیر قانونی صہیونی آبادکار بستی یتسھار کی جانب بھاگنے پر مجبور کر دیا۔
نابلس کے جنوب مین فلسطینی گاؤں پر اسرائیلی آبادکاروں کے گروہ روزانہ کی بنیاد پر حملے کرتے رہتے ہیں جنہیں اسرائیلی فوجیوں کی حفاظت حاصل ہوتی ہے۔
