فلسطینی وزارت صحت کے مطابق مقبوضہ مغربی کنارے کے شمالی شہر طولکرم میں کرونا کے متاثرہ مریضوں کی تعداد 60 ہوگئی ہے۔
منگل کے روز فلسطینی وزیر صحت می کیلہ نے بتایا کہ طولکرم میں مزید ایک شہری کے کرونا کا شکار ہونے کی تصدیق کی گئی ہے۔
می کیلہ کا کہنا ہے کہ طولکرم میں کرونا کا شکار ہونے والا فلسطینی السلام کالونی کا رہائشی ہے اور وہ سنہ 1948ء کے مقبوضہ علاقوں میں کام کاج کرتا تھا۔ اس سے میل جول رکھنے والے افراد کا بھی ڈیٹا اکٹھا کیا جا رہا ہے۔
خیال رہے کہ فلسطین میں کرونا کے مجموعی مریضوں کی تعداد 690 ہوگئی ہے۔
