فلسطینی وزارت صحت کی طرف سے جاری ایک بیان میں کہا گیا ہے کہ مقبوضہ مغربی کنارے کےشہروں میں کرونا کے مریضوں کی تعداد میں اچانک اضافہ ہوا ہے۔ وزارت صحت کے مطابق غرب اردن میں کرونا کے مریضوں کی تعداد میں اضافے کے بعد مجموعی تعداد 1028 ہوگئی ہے۔ تازہ اطلاعات فلسطین کے مطابق غرب اردن کے جنوبی شہر الخلیل میں کرونا کے مزید پانچ اور نابلس میں ایک مریض کے کرونا کا شکار ہونے کی تصدیق کی گئی ہے۔
وزارت صحت کے مطابق گذشتہ چوبیس گھنٹوں کے دوران کرونا کے 49 کیس سامنے آئے ہیں۔ ان میں سے 46 الخلیل، دو نابلس اور ایک طولکرم میں سامنے آیا ہے۔
فلسطینی علاقوں میں کرونا کے متاثرین کی کل تعداد 1028 ہوگئی ہے۔ ان میں 594 صحت یاب ہوگئے ہیں۔ پانچ فلسطینی جاں بحق اور 429 کی حالت خطرے سے باہربیان کی جاتی ہے۔
بیرون ملک کرونا سے جاں بحق فلسطینیوں کی تعداد 270 ہوگئی ہے۔
