گذشتہ روز فلسطین کے مقبوضہ مغربی کنارے کے شمالی شہرنابلس میں بیتا کے مقام پر ایک درخت کے نیچے قبر میں دفن ایک اردنی شہید کا جسد خاکی وہاں سے قبرستان میں منتقل کرنے کے بعد وہاںاس کی تدفین کی ہے۔
مرکزاطلاعات فلسطین کے مطابق سنہ 1967ء کی عرب ۔ اسرائیل جنگ میں اردن کے ایک سپاہی کی شہادت کے بعد اسے زعترہ کے مقام پر ایک انجیر کے درخت کے نیچے دفن کیا گیا تھا۔ حال ہی میں صہیونی ریاست نے اس مقام پر ایک سڑک کی تعمیر کے لیے کھدائی شروع کی تو فلسطینی شہریوں نے شہید اردنی سپاہی کا جسد خاکی وہاں سے بیتا قصبے کے قبرستان میں منتقل کردیا۔
شہید کے جسد خاکی کی دوبارہ تدفین میں فلسطینی شہریوں اور سرکاری حکام کے ساتھ ساتھ اردنی عہدیداروں نے بھی شرکت کی۔ شہید کا جسد خاکی سرکاری اعزاز واکرام کےساتھ دفن کیا گیا۔
