اسرائیل کے زیرتسلط شمالی اور جنوبی فلسطینی شہروں میں کرونا کے مریضوں کی تعداد میں غیرمعمولی اضافہ دیکھنے میں آیا ہے۔ عرب ہنگامی کمیٹی کے مطابق سنہ 1948ء کے دوران اسرائیل کے قبضے میں لیے گئے علاقوں میں کرونا کے مزید 2451 مریضوں کی تصدیق کی گئی ہے۔ جب کہ گذشتہ جمعرات کو 2223 فلسطینی کرونا کا شکار ہوئے تھے۔ اس وقت مقبوضہ فلسطینی شہروں میں کرونا کے ایکٹیو مریضوں کی تعداد 8 ہزار 55 تک پہنچ گئی ہے۔
کمیٹی کے بیان میں مزید کہا گیا ہے کہ گذشتہ ایک ہفتے کےدوران شمالی فلسطینی علاقوں میں کرونا کے چار ہزار سے زاید کیسز سامنے آئے ہیں۔ اس وقت کرونا کے ایکٹیو کیسز کی تعداد 8 ہزار 55 ہے۔
رپورٹ کے مطابق ام الفحم میں 244، الناصرہ میں 96، باقہ میں 90، شفاعمرو میں 86، کفر قاسم میں 80، الطیبہ میں 79، کفر قرع میں 67، طمرہ میں 66، جدید المکر میں 61،ابو سنان اور قلنسوہ میں 54، عرابہ میں 52، دیر الاسد میں 50 کرونا مریض موجود ہیں۔
