قابض صہیونی ریاست میں وزارت صحت کے مطابق گذشتہ چوبیس گھنٹوں کے دوران کرونا کے مزید تین ہزار 97 کیسز کی تصدیق کی گئی ہے۔
اسرائیلی وزارت صحت کی طرف سے جاری کردہ ایک بیان میں کہا گیا ہے کہ اسرائیل میں کرونا وبا کے پھیلائو کے بعد اب تک دو لاکھ 95 ہزار 37 افراد کرونا کا شکار ہوئے ہیں۔ جب کہ اموات دو ہزار 221 ہوچکی ہیں۔
اسرائیل میں اس وقت کرونا کے 51 ہزار 250 ایکٹو کیسز ہیں۔ 801 مریضوں کی حالت خطرے میں جب کہ 242 صہیونی وینٹی لیٹر پر ہیں۔
اسرائیلی وزارت صحت کا کہنا ہے کہ کرونا کے نصف مریض عمر رسیدہ اور مذہبی فرقے الحریدی سے تعلق رکھتے ہیں۔
اسرائیل میں مذہبی آرتھوڈکوس یہودی کل آبادی کا 12 فی صد ہیں اور ان میں سے بیشتر کی عمریں 65 سال ہیں۔
اسرائیلی حکومت نے کرونا وائرس کا پھیلائو روکنے کےلیے 18 ستمبر کو ملک بھر میں لاک ڈائون کا اعلان کیا تھا۔
