انتہا پسند صہیونی آبادکاروں کے ایک گروہ نے نابلس کے جنوب میں عصیرہ القبلیہ گاوں پر ہلہ بولا اور گھروں پر حملہ کیا جس کے دوران ایک فلسطینی شہری سر میں چوٹ لگنے سے زخمی ہو گیا۔
گاوں کے سربراہ حافظ صالح کے مطابق یتسھار کی غیر قانونی آبادکار بستی سے صہیونی آبادکاروں نے عصیر القبلیہ کے مشرقی علاقے میں گھروں اور املاک پر حملہ کیا لیکن مقامی نوجوانوں نے انکا مقابلہ کیا اور انہیں واپس لوٹنے پر مجبور کیا۔
آباد کاروں نے جھڑپوں کے دوران مقامی نوجوانوں پر پتھراؤ کیا جس کے دوران عبدالباسط محمد نامی مقامی رہائشی کے سر میں درمیانے درجے کے زخم آءے۔
یہودی آباد کار مغربی کنارے کے فلسطینی علاقوں پر بار بار حملہ کرتے ہیں جہاں 200 سے زائد غیر قانونی بستیاں اور درجنوں چھوٹی چوکیاں ہیں۔
فلسطینیوں اور ان کی املاک کے خلاف انتہا پسند یہودی آباد کاروں کی طرف سے دہشت گردی اور تشدد کے واقعات پورے مغربی کنارے میں روزانہ پیش آنے والے واقعات ہیں۔
