اسرائیلی وزیراعظم بنجمن نیتن یاھو کرونا کا شکار ایک شخص سے ملاقات کے بعد احتیاطی طورپر آئندہ جمعہ تک قرنطینہ منتقل ہوگئے ہیں۔
نیتن یاھو کے دفتر سے جاری ایک بیان میں کہا گیا ہے کہ وزیراعظم نے دو روز قبل ایک ایسے شخص سے ملاقات کی تھی جس کی کرونا ٹیسٹ کی رپورٹ مثبت آئی تھی۔
عبرانی نیوز ویب سائٹ کے مطابق نیتن یاھو نے لیکوڈ پارٹی کے ایک عہدیدار سے ملاقات کی تھی جس کا کرونا ٹیسٹ پازیٹو آیا تھا۔ اس ملاقات کے بعد وہ آئندہ جمعہ تک نیتن یاھو نے خود ساختہ تنہائی اختیار کرلی ہے۔
اسرائیلی وزارت صحت کے مطابق گذشتہ روز نیتن یاھو کاطبی معائنہ کیا گیا تھا تاہم ان کے کرونا کا شکار ہونے کی کوئی تصدیق نہیں ہوسکی۔
