فلسطینی محکمہ امور اسیران کی طرف سےجاری ایک بیان میں بتایا گیا ہے کہ مقبوضہ مغربی کنارے کے شمالی شہر نابلس میں قائم اسرائیل کے حوارہ حراستی مرکز میں سیلابی پانی داخل ہوگیا جس کے نتیجے میں فلسطینی قیدیوں کے کمرے پانی سے بھر گئے۔
فلسطینی محکمہ اسیران کے مطابق کے مطابق صہیونی حراستی مرکز کی انتظامیہ کی لاپرواہی اور ٹال مٹول کے نتیجے میں پانی اندر داخل ہوا اور کئی قیدیوں کے کمرے پانی میں ڈوب گئے۔ قیدیوں کے کپڑے اور ان کا دیگر ضروری سامان پانی میں بھیگ گیا۔
حوارہ حراستی مرکز میں ملاقات کے لیے آئے فلسطینی اسیران کے ایک مندوب نے قیدیوں سے ملاقات کی۔ ملاقات کرنے والے فلسطینی مندوب نے بتایا کہ شدید سردی کے دوران بارش کے پانی کے قیدیوں کے کمروں میں داخل ہونے کے نتیجے میں قیدی شدید مشکلات سے دوچار ہوئے ہیں۔
ان کے پہننے اور اوڑھنے بچھونے کے کپڑے تک پانی میں بھیگ گئے اور وہ سردی سے ٹھٹھڑ رہے تھے۔ اسرائیلی حکام کی طرف سے قیدیوں کو کسی قسم کی امداد فراہم نہیں کی گئی اور نہ ہی انہیں سردی سے بچانے کا کوئی انتظام کیا گیا ہے۔
