غزہ – مرکزاطلاعات فلسطین
غزہ کی پٹی میں وزارت صحت نے اعلان کیا ہے کہ 7 اکتوبر 2023ء سے اب تک قابض اسرائیل کی جانب سے فلسطینیوں کے خلاف جاری نسل کشی کی جنگ میں شہادتوں کی تعداد بڑھ کر 52,365 ہوگئی ہے جب کہ اور 117,905 زخمی ہو ئے ہیں۔
وزارت صحت نے منگل کے روز اپنے روزانہ کے اعدادوشمار کے بیان میں کہا کہ غزہ کی پٹی کے ہسپتالوں نے تباہی کی جاری جنگ کے نتیجے میں گزشتہ 24 گھنٹوں کے دوران 51 شہداء کے جسد خاکی ہسپتالوں میں منتقل کیے گئے جب کہ 113 زخمی ہوئے۔
انہوں نے وضاحت کی کہ 18 مارچ کو غزہ کی پٹی پر قابض فوج کی جانب سے دوبارہ نسل کشی شروع کرنے کے بعد سے شہادتوں کی تعداد بڑھ کر 2,273 شہید اور 5,864 زخمی ہو ئے ہیں ۔ اس کے علاوہ سات اکتوبر سے جاری جارحیت کے شہداء اور زخمیوں کی کل تعداد 169,882 ہوگئی ہے۔
انہوں نے نشاندہی کی کہ شہداء کی ایک بڑی تعداد اب بھی تباہ شدہ گھروں اور سڑکوں کے ملبے تلے دبی ہوئی ہے، جہاں ایمبولینس اور شہری دفاع کے عملے کے لیے ان تک پہنچنا مشکل ہے۔
