غزہ – مرکزاطلاعات فلسطین
فلسطینی وزارت صحت نے اعلان کیا ہے کہ گذشتہ 24 گھنٹوں کے دوران غزہ کی پٹی کے ہسپتالوں میں 26 شہداء کے جسد خاکی منتقل کیے گئے جب کہ 60 زخمیوں کو بھی ہسپتالوں میں منتقل کیا گیا۔
وزارت نے منگل کو ایک بیان میں کہا کہ 18 مارچ 2025ء سے اب تک 1,890 فلسطینی شہید اور 4,950 زخمی ہو ئے ہیں۔
وزارت صحت نے کہا کہ سات اکتوبر 2023ء سے اب تک اسرائیلی جارحیت سے مرنے والوں کی تعداد 51,266 شہید اور 116,991 زخمی ہو چکی ہے۔
وزارت صحت نے کہاکہ "متعدد متاثرین اب بھی ملبے کے نیچے اور سڑکوں پر ہیں اور ایمبولینس اور شہری دفاع کا عملہ ان تک نہیں پہنچ سکتا”۔
انہوں نے غزہ کی جنگ میں شہید ہونے والے اور لاپتہ ہونے والے افراد کے اہل خانہ سے مطالبہ کیا کہ وہ منسلک لنک کے ذریعے رجسٹریشن کر کے اپنا ڈیٹا مکمل کریں، تاکہ تمام معلومات وزارت صحت کے ریکارڈ کے ذریعے جمع کی جا سکیں۔
