الخلیل – مرکزاطلاعات فلسطین
قابض اسرائیلی فوج نے جنوبی مغربی کنارے اور الخلیل میں بیت لحم گورنری کے متعدد علاقوں پر چھاپے مارے اور درجنوں فلسطینیوں کو نشانہ بناتے ہوئے گرفتاری مہم شروع کی۔
غرب اردن کے جنوبی شہر الخلیل میں قابض اسرائیلی فوج کی ایک بڑی تعدادنے ایک فوجی بلڈوزر کے ساتھ شہر کے جنوب میں واقع الفوار مہاجر کیمپ پر دھاوا بول دیا۔ علاقے پر دھاوا بولنے کے فوراً بعد قابض فوج نے صوتی گرائے اور آتش گیر بموں سے کیمپ پر فائرنگ کی۔ اس دوران کئی گھروں پر چھاپے مارے اور 30 سے زائد فلسطینیوں کو گرفتار کر لیا۔
قابض فوج نے الخلیل کے مغرب میں واقع قصبے اضنا پر بھی دھاوا بولا اور وہاں گشت کرتے ہوئے چھاپے مارے اور گھروں کی تلاشی لی۔
دریں اثناء قابض فورسز نے الخلیل کے شمال مشرق میں واقع قصبے سعیر پر بھی دھاوا بول دیا اور قصبے کی گلیوں میں گشت کرنے کے بعد گھروں پر چھاپے مارے۔
قابض اسرائیلی فوج نے جنوبی مقبوضہ مغربی کنارے میں بیت لحم کے جنوب میں بیت فجار قصبے پر دھاوا بول دیا۔ مقامی ذرائع نے بتایا کہ قابض فوج نے قصبے پر دھاوا بولا، کئی محلوں میں پوزیشنیں سنبھالیں، اور ایک شہری کے گھر پر چھاپے مارے اور تلاشی لی، تاہم کسی گرفتاری کی اطلاع نہیں ملی۔
قابض فوج نے بیت لحم اور بیت جالا شہروں اور دوحہ، الخضر، بیت فجار اور جبل المولیہ کے قصبوں پر چھاپے مارے۔
بیت لحم کے جنوب مشرق میں واقع قصبے طوق میں فلسطینیوں اور قابض فوج کے درمیان جھڑپیں ہوئیں، جس دوران قابض فوج نے صوتی بموں اور آنسو گیس کا استعمال کیا۔
طولکرم شہر اور اس کے دو پناہ گزین کیمپوں، طولکرم اور نور شمس میں قابض اسرائیلی فوج نے 83ویں روز بھی شہر اور کیمپوں کے خلاف اپنی جارحیت جاری رکھی ہے جس میں زمین پر چھاپے، گرفتاریاں اور شہریوں کے ساتھ بدسلوکی کے واقعات شامل ہیں۔
غزہ پر نسل کشی کی جنگ کے متوازی طور پر، اسرائیلی قابض فوج اور اس کے آباد کاروں نے مشرقی بیت المقدس سمیت مغربی کنارے میں اپنے حملوں میں اضافہ کیا ہے، جس کے نتیجے میں 952 سے زائد فلسطینی شہید، 7000 کے قریب زخمی اور 16400 فلسطینیوں کو گرفتار کیا گیا ہے۔
