غزہ – مرکزاطلاعات فلسطین
غزہ میں وزارت صحت نے اعلان کیا ہے کہ غزہ کی پٹی کے مختلف علاقوں پر جاری اسرائیلی بمباری کے نتیجے میں گزشتہ 24 گھنٹوں کے دوران ہسپتالوں میں 38 شہداء کے جسد خاکی اور 118 زخمیوں کو منتقل کیا گیا۔
وزارت صحت نے پیر کو ایک پریس ریلیز میں اعلان کیا کہ 7 اکتوبر 2023ءسے غزہ کی پٹی پر جاری تباہ کن جنگ میں شہادتوں کی تعداد بڑھ کر 50,983 اور زخمیوں کی تعداد 116,274 ہو گئی ہے۔
انہوں نے کہا کہ 18 مارچ کی صبح غزہ پر قابض فوج کی جانب سے جارحیت دوبارہ شروع کرنے کے بعد سے 1613 فلسطینی شہید اور 4233 زخمی ہو ئے ہیں۔
اس نےکہا کہ شہداء کی ایک بڑی تعداد اب بھی ملبے کے نیچے اور سڑکوں پر ہے، اور یہ کہ ایمبولینس اور شہری دفاع کا عملہ ان تک پہنچنے سے قاصر ہے۔
وزارت صحت نے غزہ کی جنگ سے شہید ہونے والے اور لاپتہ ہونے والے افراد کے اہل خانہ سے مطالبہ کیا کہ وہ منسلک لنک کے ذریعے رجسٹریشن کر کے اپنا ڈیٹا مکمل کریں، تاکہ تمام معلومات وزارت صحت کے ریکارڈ کے ذریعے جمع کی جا سکیں۔
