مقبوضہ بیت المقدس – مرکزاطلاعات فلسطین
درجنوں یہودی آباد کاروں نے آج جمعرات کی صبح قابض اسرائیلی فوج کی بھاری نفری کی سکیورٹی میں مسجد اقصیٰ کے احاطے پر دھاوا بول دیا۔ یہ حملہ عبرانی ’ایسٹر‘ کی نام نہاد چھٹی کے دوران یہودیوں کو مسجد اقصیٰ میں لانے ، صہیونیوں کے درمیان یکجہتی اور ٹیمپل ماؤنٹ گروپوں کے تصادم کے مطالبات کے درمیان ہوا ہے۔
آباد کاروں نے مراکشی گیٹ سے مسجد اقصیٰ پر دھاوا بول دیا، مسجد کے صحنوں میں خاص طور پر مشرقی حصے میں اشتعال انگیز دورے لگائے اور تلمودی رسومات ادا کیں۔
قابض فوج نے بیت المقدس کے پرانے شہر کے اطراف اور مسجد اقصیٰ کے دروازوں پر اپنے فوجی اقدامات سخت کر دیے، شہریوں کے داخلے میں رکاوٹیں کھڑی کردیں۔
انتہا پسند آباد کاروں کے گروپوں نے آباد کاروں سے مطالبہ کیا ہے کہ وہ 13 اپریل کو تعطیل کے سرکاری آغاز سے ایک ہفتہ قبل مسجداقصیٰ اور اس کے ارد گرد ایسٹر کی قربانیاں لانے اور جانور ذبح کرنے کی اپنی کوششوں کو تیز کریں۔
