غزہ – مرکزاطلاعات فلسطین
ڈاکٹرز ودآؤٹ بارڈرز نے خبردار کیا ہے کہ غزہ کی پٹی میں ایندھن کی کمی "بقیہ پانی کے نظام کے مکمل خاتمے، لوگوں کی پانی تک رسائی کو منقطع کرنے” کا سبب بن سکتی ہے۔
تنظیم نے بدھ کے روز کہا کہ اسرائیل بجلی اور ایندھن بند کر کے غزہ میں پانی کی رسائی کو مؤثر طریقے سے روک رہا ہے۔ انسانی ہمدردی کی بنیاد پر امداد کو فلسطینیوں تک جانے کی اجازت دینے کا مطالبہ کیا تاکہ مزید جانی نقصان سے بچا جا سکے۔
بیان میں غزہ میں تنظیم کی پانی اور صفائی ستھرائی کے کوآرڈینیٹر پاؤلا ناوارو کے حوالے سے کہا گیا ہےکہ "نئے حملوں کے نتیجے میں صرف چند دنوں میں سینکڑوں شہادتیں ہوئیں۔ اسرائیلی فوج بجلی بند کرکے اور ایندھن کے داخلے کو روک کر غزہ کے باشندوں کو پانی سے محروم کر رہی ہے”۔
انہوں نے مزید کہا کہ غزہ کے فلسطینیوں کی مشکلات "پانی کے بحران” کی وجہ سے مزید بڑھ گئی ہیں، بہت سے لوگ آلودہ پانی پینے پر مجبور ہیں۔
غزہ میں تنظیم کی طبی ٹیم کی کوآرڈینیٹر چیارا لودی نے نشاندہی کی کہ بچے جن جلد کی بیماریوں میں مبتلا ہو رہے ہیں وہ غزہ کی تباہی اور اس پر مسلط اسرائیلی ناکہ بندی کا براہ راست نتیجہ ہے۔
انہوں نے کہا کہ "ہمارا عملہ جلد کی بیماریوں جیسے کہ خارش میں مبتلا بچوں کی بڑھتی ہوئی تعداد کا علاج کر رہا ہے، جس کی وجہ سے خاصی تکلیف ہوتی ہے اور، شدید صورتوں میں جلد پر خراش آنے سے اس س میں خون بہنے لگتا ہے”۔
لودی نے فلسطینی بچوں میں خارش کے پھیلاؤ کی وجہ ان کی "غسل نہ کر سکنے” کو قرار دیا۔
ڈاکٹرز ودآؤٹ بارڈرز نے اشارہ کیا کہ "یرقان، اسہال اور خارش” خان یونس میں اس کی ٹیموں کے ذریعہ علاج کیے جانے والے سب سے عام حالات میں سے ہیں، جو کہ محفوظ پانی کی فراہمی کی کمی کے نتیجے میں ہیں۔
