غزہ – مرکزاطلاعات فلسطین
فلسطینی وزارت صحت نے اعلان کیا ہے کہ گذشتہ 24 گھنٹوں کے دوران غزہ کی پٹی کے ہسپتالوں میں 61 شہداء کے جسد خاکی منتقل کیے گئے۔ ان میں سے چار شہداء کی لاشیں ملبے سے نکالی گئیں اور 134 زخمی ہیں۔
وزارت صحت نے پیر کو ایک بیان میں کہا کہ 18 مارچ سے اب تک 730 فلسطینی شہید اور 1367 زخمی ہوئے ہیں۔
انہوں نے نشاندہی کی کہ 7 اکتوبر 2023ء سے اب تک اسرائیلی جارحیت سے شہید ہونے والوں کی تعداد بڑھ کر 50,082 ہو چکی ہے اور 113,408 زخمی ہو چکے ہیں۔
اس نے بتایا کہ متعدد متاثرین اب بھی ملبے کے نیچے اور سڑکوں پر ہیں، جن تک ایمبولینسز اور شہری دفاع کا عملہ نہیں پہنچ سکا۔
وزارت صحت نے غزہ کی جنگ میں شہید ہونے اور لاپتہ ہونے والے افراد کے اہل خانہ سے مطالبہ کیا کہ وہ وزارت صحت کی طرف سے جاری کردہ آن ہائن پورٹل کے ذریعے رجسٹریشن کر کے اپنا ڈیٹا مکمل کریں، تاکہ تمام معلومات وزارت صحت کے ریکارڈ کے ذریعے جمع کی جا سکیں۔
