بیروت – مرکزاطلاعات فلسطین
لبنان کے مختلف مقامات پر اسرائیلی فضائی حملوں کےنتیجے میں ہفتے کی شام پانچ لبنانی شہری شہید اور دیگر زخمی ہو گئے، یہ ایک نازک جنگ بندی کی تازہ خلاف ورزی ہے جس سے اسرائیل اور لبنانی حزب اللہ گروپ کے درمیان ایک سال سے زائد عرصے سے جاری جنگ ختم ہوئی تھی۔
وزارت صحت عامہ کے پبلک ہیلتھ ایمرجنسی آپریشن سینٹر نے ایک بیان میں بتایا کہ اسرائیلی فضائی حملے کے نتیجے میں ایک بچے سمیت پانچ افراد شہید اور دو بچوں سمیت 11 افراد زخمی ہوئے ہیں۔
انہوں نے اطلاع دی کہ ہرمل کے قصبے حوش السید علی پر چھاپے کے نتیجے میں پانچ افراد زخمی ہوئے جب کہ سارین قصبے پر بمبارہ کے نتیجے میں ایک شخص زخمی ہوا۔
دیگر افراد ہرمل کے شمال میں شام کی سرحد پر واقع قصبے حوش السید علی میں ایک مکان کو نشانہ بنانے والے فضائی حملے میں زخمی ہوئے۔
پبلک ہیلتھ ایمرجنسی آپریشن سینٹر نے اطلاع دی کہ صور پر فضائی حملے کے نتیجے میں ابتدائی طور پر چار افراد زخمی ہوئے۔
اسرائیلی طیاروں نے القصر اور حوش السید علی کے درمیان سرحدی گزرگاہ پر فضائی حملہ کیا۔
ہفتے کی سہ پہر جنوبی لبنان پراسرائیلی فضائی اور توپ خانے کی بمباری میں لبنان میں دو شہری شہید اور دیگر زخمی ہوئے۔
لبنان کی وزارت صحت نے تولین قصبے پر اسرائیلی فضائی حملے کے نتیجے میں دو لبنانی شہریوں کی شہادت کا اعلان کیا، جن میں سے ایک بچہ بھی شہید ہوا جب کہ دو بچوں سمیت آٹھ افراد کے زخمی ہوئے۔
لبنانی ذرائع نے اطلاع دی ہے کہ قابض اسرائیلی فوج نے جنوبی لبنان کے قصبوں یحمور اور تولی پر حملے شروع کیے جس کے جواب میں لبنانی مزاحمت نے اسرائیلی یہودی بستی میتولا کو نشانہ بنایا گیا۔
قابض اسرائیلی فوج نے ہفتے کے روز ایک بیان میں کہا کہ اس نے لبنان سے آنے والے تین میزائلوں کو روک دیا۔
آرمی ریڈیو نے اطلاع دی ہے کہ لبنان سے اسرائیل کی طرف پانچ راکٹ فائر کیے گئے تھے، جن میں سے تین کو روک لیا گیا تھا۔ دو لبنانی حدود میں گرے تھے۔ ریڈیو نے بتایا کہ لبنان سے راکٹ فائر کیے جانے کا واقعہ تین ماہ میں پہلی بار ہوا۔
ریڈیو نے لبنان کی سرحد پر میتولا کے علاقے میں دو بار راکٹ حملوں کے سائرن بجنے کے بعد دھماکوں کی آوازیں سنائی دیں۔
الجزیرہ نے جنوبی لبنان کے مشرقی سیکٹر پر فضائی حدود میں اسرائیلی انٹرسیپٹر میزائل دھماکوں کی آواز سننے کی اطلاع دی۔
حزب اللہ سے وابستہ ذرائع ابلاغ نے اطلاع دی ہے کہ اسرائیلی توپ خانے نے جنوبی لبنان کے قصبے یحمر الشقیف میں العین محلے کو نشانہ بنایا تھا، اس سے پہلے کہ اسرائیلی فوج کی طرف سے کفار کلیہ اور حُولا اور مارکابہ قصبوں کے مضافات کی طرف بھاری مشین گن کی فائرنگ کی اطلاع دی۔
