غزہ – مرکزاطلاعات فلسطین
فلسطینی وزارت صحت نے گذشتہ چوبیس گھنٹوں کے دوران غزہ کی پٹی میں پانچ شہداء اور نو زخمیوں کی ہسپتالوں میں آمد کا اعلان کیا ہے۔
وزارت نے پیر کو ایک بیان میں کہا کہ شہید ہونے والوں میں تین ایسے ہیں جنہیں ملبے سے نکالا گیا۔ ایک شہری جنگ بندی کی خلاف ورزی کے دوران شہید ہوا جب کہ ایک زخمی بھی چل بسا۔
وزارت صحت نے اطلاع دی ہے کہ 7 اکتوبر 2023ء سے اب تک اسرائیلی جنگ میں ہلاکتوں کی تعداد 48,577 ہوگئی ہے جب کہ 112,041 زخمی ہوئے ہیں۔
اس نے بتایا کہ متعدد متاثرین اب بھی ملبے کے نیچے اور سڑکوں پر ہیں، جن تک ایمبولینسز اور شہری دفاع کا عملہ نہیں پہنچ سکا۔
انہوں نے غزہ کی جنگ کے شہداء اور لاپتہ افراد کے اہل خانہ سے مطالبہ کیا کہ وہ منسلک لنک کے ذریعے رجسٹریشن کر کے اپنا ڈیٹا مکمل کریں، تاکہ نئے لنک کے ذریعے وزارت صحت کے ریکارڈ کے ذریعے تمام ڈیٹا اکٹھا کیا جا سکے۔
