غزہ – مرکزاطلاعات فلسطین
قابض اسرائیلی فوج کی جانب سے جنگ بندی کی مسلسل خلاف ورزی کرتے ہوئے وسطی اور جنوبی غزہ کی پٹی میں شہریوں کو نشانہ بناتے ہوئے گولہ باری کی جس نتیجے میں پیر کی سہ پہر تین شہری شہید اور دیگر زخمی ہو گئے۔
فلسطینی ہلال احمر نے اطلاع دی ہے کہ تین شہداء کو وادی غزہ پل سے وسطی غزہ کی پٹی کے دیر البلح میں الاقصی شہداء ہسپتال منتقل کیا گیا ہے۔
مقامی ذرائع نے بتایا کہ کواڈ کاپٹر ڈرون نے البریج کے شمال مشرق میں لکڑیاں جمع کرنے والے شہریوں پر متعدد بم برسائے۔
جب کہ دیگر ذرائع نے بتایا کہ تینوں شہید ایک ہی خاندان سے تھے۔ ان میں سے دو بھائی تھے جن کی شناخت ابراہیم عرفات ابو حاجر اور طارق عرفات ابو حاجر کے نام سے کی گئی ہے۔ جب ان کے عزیز عارف جبر ابو حاجر
بھی شہید ہوئے ہیں۔ شہداء کی عمریں 23 سے 33سال کے درمیان بیان کی جاتی ہے۔
ادھر میڈیا ذرائع نے بتایا ہے کہ جنوبی غزہ کی پٹی میں رفح کے مشرق میں الجنینا محلے میں مشرقی قبرستان کے قریب اسرائیلی ڈرون حملے کے نتیجے میں تین شہری زخمی ہو گئے۔
کل شام اتوار کو غزہ شہر کے جنوب میں کویت جنکشن کے قریب اسرائیلی ڈرون حملے کے نتیجے میں زیتون محلے کا ایک نوجوان شہید ہو گیا تھا۔
سرکاری اعداد و شمار کے مطابق 19 جنوری کو جنگ بندی کے معاہدے کے نفاذ کے بعد سے قابض اسرائیلی فوج نے تقریباً 1,000 خلاف ورزیاں کی ہیں، جس کے نتیجے میں تقریباً 155 افراد شہید اور سیکڑوں زخمی ہوئے ہیں۔
غزہ کی پٹی میں 7 اکتوبر 2023 سے شروع ہونے والی اسرائیلی جارحیت سے اب تک شہید ہونے والوں کی تعداد 48,572 تک پہنچ گئی ہے، جن میں سے زیادہ تر بچے اور خواتین ہیں، جب کہ 112،032 زخمی ہوئے ہیں۔
