غزہ – مرکزاطلاعات فلسطین
غزہ کی پٹی میں سرکاری میڈیا آفس نے زور دے کر کہا ہےکہ قابض فوج شمالی غزہ کی پٹی میں بیت لاہیا کے قتل عام کو جواز بنا کر عالمی رائے عامہ کو گمراہ کرنے کی مذموم کوشش کر رہی ہے۔
سرکاری میڈیا نے اتوار کو ایک بیان میں کہا کہ قابض فوج ہفتے کے روز اپنے جرم کو درست ثابت کرنے کے لیے من گھڑت الزامات کا استعمال کر رہا ہے، جس میں 10 امدادی کارکنوں اور صحافیوں کی جانیں گئیں۔
انہوں نے مزید کہاکہ "قابض فوج کے ترجمان کی طرف سے قتل عام کو جواز فراہم کرنے کے لیے جاری کردہ بیان ایک بار پھر ثابت کرتا ہے کہ یہ فوج اور اس کے رہنما جرم کے مرتکب ہوتے ہیں۔ پھر اپنے بیمار، مجرمانہ تخیل سے متاثر ہو کر جھوٹ اور من گھڑت جواز گھڑتے ہیں”۔
سرکاری میڈیا نے مزید کہا کہ قابض فوج بیت لاہیا قتل عام کے متاثرین کے خلاف جھوٹے الزامات، بے بنیاد دعوے، اور "ان کی فریب کاریوں کو بڑھا چڑھا کر پیش کر کے بین الاقوامی رائے عامہ کو گمراہ کرنے کی کوشش کر رہی ہے۔
انہوں نے قتل عام کے حوالے سے قابض فوج کے ترجمان کے بیان میں دیے گئے اہم ترین نکات کی تردید کرتے ہوئے کہا کہ شہید بلال ابو مطر کی شناخت شدہ تصویر ان کی تصویر نہیں تھی "جو قابض فوج کی من مانی اور اس کے جھوٹے جواز گھڑنے کا ثبوت ہے”۔
سرکاری میڈیا نے نشاندہی کی کہ شہید محمود اسلم کے بیان میں درج مکمل نام غلط ہے۔اس کا تعلق کسی اور شخص کا ہے جو ابھی تک زندہ ہے جس شخص کا بیان میں "صہیب النجر” کے طور پر ذکر کیا گیا ہے وہ عملے میں کام نہیں کرتا اور وہ پہلے قتل عام کے شہدا میں شامل نہیں تھا۔
انہوں نے شہید محمد الغفار کے لیے درج نام کے غلط ہونے کی نشاندہی کرتے ہوئے سوال کیا کہ "اگر قابض فوج اور اس کی انٹیلی جنس سروسز کو ان کا پورا نام نہیں معلوم تو ان کے بارے میں بتائی گئی معلومات ان کے پاس کیسے ہیں؟”
سرکاری میڈیا آؤٹ لیٹ نے رپورٹ کیا کہ جس شخص کی شناخت "مصطفی حماد” کے نام سے کی گئی ہے، جسے قابض فوج کے بیان میں "میڈیا کی شخصیت اور کارکن” کے طور پر بیان کیا گیا ہے وہ عملے کا حصہ نہیں تھا اور اس کا ریلیف یا میڈیا کے کام سے کوئی تعلق نہیں تھا۔
انہوں نے نشاندہی کی کہ سوشل میڈیا پر کچھ نام جھوٹے ثابت ہونے سے پہلے گردش کر رہے تھے اور قتل عام کے شہداء کی شناخت کی تصدیق کی گئی تھی۔
