مقبوضہ بیت المقدس – مرکزاطلاعات فلسطین
قابض اسرائیلی فوج نے مسجد الاقصیٰ کے صحنوں پر دھاوا بول دیا اور نماز کے لیےآنے والے فلسطینی روزہ داروں کو نماز سے روک کر مسجد سے زبردستی باہر نکال دیا۔
مقامی ذرائع نے بتایا کہ قابض فوج نے عشاء اور تراویح کی نماز سے قبل مسجد اقصیٰ کے صحنوں پر دھاوا بول دیا اور نمازیوں کو وہاں سے نکلنے پر مجبور کیا۔
خیال رہے کہ گذشتہ روز ماہ صیام کی دوسری تراویح کے موقعے پر صہیونی فوج اور پولیس کی بھاری نفری کی طرف سے کھڑی کی گئی رکاوٹوں کے باجود 70,000 نمازیوں نے مسجد اقصیٰ میں نماز ادا کی۔
